GUGMANG TINUD-ANAY
- Makoy Herrada Maude
- Mar 16, 2018
- 5 min read
GUGMANG TINUD-ANAY
Spoken Poetry (Bisaya Version)
by: Makoy Herrada Maude
Nasayud ko nga kitang tanan naay rason nganung naa ta aning kalibutan.
Kalibutan nga pagkaanindot, kalibutan para kanatong tanan!
Ikaw, ako, mapabata man o mapapalolo,
Muslim ka man o Kristiyano,
Bisaya man o Ilonggo,
Lahi-lahi man ta ug pagtoo,
Pero naay usa ka butang nga atuang ginapangita ug gipangandoy
Mga igsuon, mga higala, paminaw sa akuang iingon
Karong orasa ining kagab.ihon
Kabantay ba mo nga mga tao ron, daghang mga pangutana sa ilahang kaugalingon?
Nganu man? Nganu man? Nganung naa pako karon?
Naa say uban bisan grabe kaadunahan, tan-awa ilahang kinabuhi
Pastang gubuta ug walay kalipay, pagkapait!
Ingon nila kung naa kay gahom ug kwarta
Mabuhat nimo ang tanan, matagbaw ra ka!
Weeeh? Pag sure uie! Tinuod ba gyud na?
Daghan man lagi nag hikog sa ilahang kinabuhi
Tungod ana?
So unsa man gyud atuang gikinahanglan ug ginapangita?
Kwarta? Gahom? Kalipay, Kasikatan ba?
Kay kining tanan, dili magdugay ug mawala ra
Pero nasayud ko nga usa ra gyud atuang gikinahanglan matag usa
Ug mao nang gugma nga imuhang ginapangita sa uban dugay na!
Gugma? Aw! Sayon ra man kaayo na iingon!
Pero nabuhat ba nimo sa uban igsuon?
Kay basin kabalo ra ka mo espelling ug G-U-G-M-A (GUGMA)
Kay basin gani sa imuhang kaugalingon, wa nimo buhata!
Unsa man gyud ang klase nga gugma imuhang gipangita?
Aw! Kanang gugma2x gud nga naa sa uban makita!
Aw mao ba? Mao ba gyud nang klaseng gugma nga imuhang gipangita? Kanang gugma sa uban nga murag tanom, kung imuhang atimanon ug bisbisan, pwede mamunga ug daghan?
Pero dodong ug Inday, wa ba ka kahuna-huna nga tanang tanom pwede malaya nga murag sad sa imuhang gugma gud sa uban mura nag laya ug ang kapait pa gyud, nag ka amat nag ka lubad ug kawala?
Mao ba gyud nang klaseng gugmang imuhang gipangita?
Sa kadugay nga panahon ug oras nga imuhang gipaabot, ikaw napul.an na?
Ug sa hinay2x, napansin nimo mura na kag luya? Kay tungod na, ikaw nagsalig ug nagtoo nga naay muhigugma sa imuha?
Ug bisan pa man sa imuhang pamilya,
Nagtoo man gyud ta nga sila nahigugma sa atua!
Nga sila muatiman, maghuna-huna sa imuha!
Pero nganung daghan mang pamilya nagkabulag-bulag?
Kung tinuod ug ikaw nagtoo nga naay gugma sa matag usa?
Nganu mana?
OO! Tinuod nga naa kay amego ug amega!
Atleast man lang dba sa kalisud naa kay maistorya?
Mo comfort, mo love, mo advice sa imuha?
Pero wa ba ka huna-huna nga basin imuhang amego ug amega, ikaw ray ginagamit niya?
Pabuotan-buotan, pa close-close pa sa una
Pero sa dhang mapul-an ra, ichismis pa ka
Ug ang kapait, sa ulahing banda nga ikaw nagkaluya, gi ilisan na ka ug nakita nimo,naa na syay bag.o nga amego ug amega kay tungod napul.an na sya sa imuhang sum.ol nga dagwaya!
Dodong, Inday, mao ba na ang gugma nga imuhang gipangita?
Higugmaon ra ka kung naay makuha sa imuha? Ganahan sad kaayo ka
Dba, ingon nila ang gugma, give and take ma na?
Kanang gugma sa kalibutan nga higugmaon ra ka kung muhigugma sad ka?
Gi-ingnan ra ka sa sa imuhang uyab, kung na higugma gyud ka nako, ihatag nimo ang tanan sa akua! Ang problema nagpailad sad ka?
Ug sa dhang, nahibaw.an ninyo ang resulta sa inyuhang paghigugma ingna ra ka, “Aieee,,, joke2x ra man to akua!”.
Ug ikaw nasakitan sa iyahang gibuhat,
Ug sa pila ka adlaw ikaw naghilak.
Nag.antos, nagkamang, gi reject pa gyud ka niya ug gilibak pa gyud ka sa uban.
Gipalayas ka, nagkapait na imuhang kinabuhia
Ug wa na kay maduolan.
Tinuod ba gayud nga sila naghigugma sa imuha?
Gugma? Gugmang tinud.anay?
Nganung daghan pa man ghapon niabot nga pagsulay?
Nga pwede ra man unta ta magtinabangay!
Pero gubot dre? Gyera didto?
Away dre! Patay didto!
Kung naay paghigugmaay sa matag usa,
Nganu? Nganung niabot pa man ni nga mga peligro?
Hate dre! Bashed didto!
Matingala na lang ta usahay nga nalagot sya sa atua nga wa ta kabalo!
Libak dre! Hoy, Sala nya to!
Ambot nganu? Gugma pa ba ni? Or sadyang bulag ug tanga lang gyud ko?
Gugma! Kaya ko magpaabot!
Paabot? Sure ka? Paabot ka sa gugma sa uban?
Gugma nga wa ghapoy padulgan?
Basin na lang ikaw maugmaan!
Ayaw na ug ka expect kay basin ikaw ray masakitan!
Basin uroy! Mag drama2x na sad ka, pa lock2x ug kwarto
Mag-inusara, mag pa walay gana bisan gutom na kaayo!
Ang problema pa gyud, ang uban madamay sa iyang gugmang walay klaro?
Nya, ikaw andam pa ka muhatag sa gugma sa uban kung ing.ana ra man imuhang padulngan?
Bes! Pag mata na! Mata na sa realidad nga walay perpektong gugma nga imuhang makuha bisan kinsa aning kalibutana!
Basin sge ra kag hatag ug gugma sa uban, nya ikaw, bisan sentimo wa kay nadawat, pagkapait gyud sa kalibutan!
Ang problema man gud nato usahay, subra kaayo tag ka attached sa gugma sa uban!
Subraan kaayo kag salig sa uban nga murag mahatag na nimo ang tanan.
May pa sya gadawat sa imuhang gugma!
Ikaw, gapaabot lang sa wala?
Friend, sultian tka sa tinuod.anay huh!
Ikaw ba naagapangita ug tinuod nga gugma?
Kanang gugmang puno ug pasensya? Kaayo?
Walay pag selos sa matag usa?
Kanang gugmang walay kahambog, gugmang walay dinautay? Gugmang walay paglubad ug walay pag undang! Gugmang tinud.anay?
Kining tanan dili nato makita sa uban kay bisan usa, walay perpekto nga tao sa kalibutan!
Gugma? Oo! basin diay gihigugma ka pero huna-hunaa limitado ra baya ang gugma kining kalibutana!
OO! Gihigugma ka karon pero ugma, basin diay dili na!
Igsuon! Mata na sa realidad nga walay usa makahatag ug perpektong gugma nga matag usa sa atua, ginapangita dugay na!
Walay bisan usa sa atua dinhing kalibutana ang makahatag ug perpektong gugma pero Igsuon, naay Usa!
Naay usa nakong nailhan nga andam, kinasing kasing naghatag sa iyang dako ug perpektong gugma para sa atua!
Nga bisan unsa pa man, di ka niya pasagdan! Di ka niya paasahon ug pasakitan!
Ang atuang Amahan nga naa nagapuyo sa kalangitan,
tungod sa iyahang dakong gugma, Iyahang gipadala iyahang bugtong anak nga maong si Hesus para kanatong tanan!
Nianhi sya, gipanganak ni Maria, niantos, gilansang sa Krus, namatay ning kalibutana tungod sa atua!
Bisan pa man sa atuang dili maayong binuhatan, iyahang gihatag ug kinasing-kasing iyahang kinabuhi para kanatong tanan!
Ing-ana iyahang dakong gugma sa atua mga higala!
Ug walay usa sa atua makabuhat/makatupong/makatungkad sa sakripisyo ug gugma sa Diyos sa atua! Walay bisan usa! Walay bisan usa kundili sya lamang nga naay dakong gugma sa akua, sa imuha, ug sa matag usa!
Igsuon, kung kining kalibutana, naa lagiy gugma pero limitado ra,
Naa lagi gugma pero muantos pa ka!
Naa lagi gugma, pero basin mailad raka?
Naa lagi gugma pero basin mawala ra!
Pero Igsuon sa iyaha! Walay pag-undang! Matagbaw pa ka!
Igsuon, gusto ba nimo mabati/maexperiensyahan ang tinuod nga gugma? Gugmang tinud.anay?
Gibuhat sa Diyos ang tanan para kanatong tanan.
Kung gusto nimo ma experiensyahan ang tinuod nga gugma aning kalibutana, dawata nga kinasing-kasing si Hesus nga Diyos , Hari ug manluluwas ug saligi sya
Para sya maghatag ug magpabati nimo ug tinuood nga gugma
Para imuha sad mapakita ug mahatag sa uban ang tinuod nga gugma nga ilahang gipangita dugay na!
Ug mao nang tinud.anay nga gugma mga higala!
Ug dili nato ni mahatag sa uban ang tinud.anay nga paghigugma
kung dili nato ma experiensyahan, ang tinuod ug dakong gugma sa Amahan pinaagi sa iyahang Anak nga nianhi,niantos, gilansang sa krus,
namatay sya nabanhaw ug nabuhi para kanato nga dili na ta
kinahanglan pa manglimos!
Mao na atuang Ginoong Hesus!
ang naghatag kanato ug grasya nga puno ug pag.antos!
Sya lamang, wala nay uban ang makahatag ug gugmang tinud.anay ug walay pag undang
Nga imuhang dugay nang kiginahanglan!
Mahimaya ang Ginoo kanatong tanan!
Thank You and Godbless!
Comments